Fugl góu er fýll 23. febrúar 2010

Þá er framhaldið með fugl mánaðarins hér á Náttúrufræðistofunni. Miðað er við gömlu norrænu mánaðarheitin og fugl þorra var snjótittlingur en nú er góan gengin í garð. Fugl góu er fýll og kannski má kalla hann fyrsta vorboðann. Hann hverfur af varpstöðvum seinnihluta september, flækist þá víða um höf, og fer að birtast aftur upp úr miðjum janúar. Lesa nánar

Safnanótt sló í gegn 15. febrúar 2010

Óhætt er að segja að safnanótt hafi verið vel tekið hér í Safnahúsinu og var stöðugur straumur fólks allt til loka um miðnætti. Alls komu rúmlega 800 gestir í Safnahúsið og nutu hinna fjölbreyttu atriða sem í boði voru. Ljóst má vera að Safnanótt er komin til að vera í Kópavogi. Starfsfólk Náttúrufræðistofunnar þakkar gestum sínum kærlega fyrir komuna.

Safnanótt 2010 í Náttúrufræðistofunni! 5. febrúar 2010

Náttúrufræðistofa Kópavogs mun ásamt fleiri söfnum í Kópavogi taka þátt í Safnanótt föstudaginn 12. febrúar í fyrsta skipti. Þema Safnanætur að þessu sinni er draumar. Á vegum Náttúrufræðistofunnar verður boðið upp á tvo dagskrárliði. Annars vegar er leiðsögn kl. 21:00-22:30 sem ber heitið Eru fuglarnir guðir? og er í fygld Þorvaldar Friðrikssonar skrímslafræðings, sem leiðir næturgesti um skuggalega sýningarsali Náttúrufræðistofunnar og segir frá táknrænni merkingu íslenskra fugla og fleiri dýra í trúarbrögðum og draumförum manna. Hins vegar er atburðurinn Þorirðu að kíka? sem stendur yfir frá kl. 19:00 til loka safnanætur kl. 24:00. Þar er á ferð óræður skapnaður sem leynist í sýningarkassa í anddyri Náttúrufræðistofunnar. Spurningin er hvort gripurinn er lífs eða liðinn, manngerður eða náttúrulegur? Dagskrá Safnanætur á höfuðborgarsvæðinu er að finna hér á heimasíðu Safnanætur 2010. Lesa nánar

»

Athyglisverðar kvikmyndir izle oyun oyun video pes youtube bedava izle izle oyun wikipedia facebook oyun »

Árstíðasveiflur í eðlisþáttum vatna á höfuðb. svæðinu »

	Opnunartímar Náttúrufræðistofu Kópavogs Mánudaga til fimmtudaga frá kl. 10:00-20:00. Föstudaga frá kl. 11:00-17:00. Laugardaga og sunnudaga frá kl. 13:00-17:00. (Gott er að hópar bóki tíma með dálitlum fyrirvara). Aðgangur er ókeypis

	Náttúruminjar, þjóðminjar og bæjarverndarsvæði í Kópavogi Það er stefna Kópavogsbæjar að varðveita sérstakar náttúrumyndanir og menningarsögulegar minjar í bæjarlandinu og gera þær íbúum aðgengilegar. Verndun mannvirkja, náttúru- og menningarminja ásamt sérkennum eldri hverfa og opinna svæða. er liður í að varðveita og segja sögu bæjarins.

	Kúluskítur, hvað er nú það??? Kúluskítur er nafn á einu af sérstæðustu fyrirbærum sem finnast í náttúru landsins. Um er að ræða fágætt, stórvaxið, kúlulaga vaxtarafbrigði af grænþörungategundinni Aegagropila linnaei, sem aðeins er þekkt í tveimur stöðuvötnum á jörðinni – Mývatni og í Akanvatni á Hokkaido eyju í Japan.