|
|
 |
|
| 8. mars 2013 |
|
|
  Ný háplöntutegund, sverðnykra, bættist við flóru landsins síðastliðið sumar þegar starfsmenn Náttúrufræðistofu Kópavogs voru við rannsóknir í Berufjarðarvatni nærri Bjarkalundi í Reykhólahreppi. Staðfesting á tegundagreiningunni fékkst nú á dögunum. Sverðnykran ber fræðiheitið Potamogeton compressus og tilheyrir hópi rúmlega 40 vatnaplantna sem lifa hér á landi, en alls eru þekktar um 490 háplöntutegundir í landinu. Sverðnykran vex á kafi í vatni og líkist helst grasi. Hún er hávaxin, verður allt að 2 m á hæð, og ber mjó, aflöng blöð sem eru um 0,5 cm breið og allt að 20 cm á lengd. Sverðnykran í Berufjarðarvatni óx í þéttum breiðum á um 1,7 m dýpi, en mesta dýpi vatnsins mældist 2 m. Berufjarðarvatn liggur í 49 m h.y.s. og telst fremur lítið vatn, eða um 0,15 km 2. Vatnið var mjög gróskumikið og í því uxu einnig síkjamari, grasnykra, fjallnykra, smánykra, þráðnykra, lónasóley, flagasóley, lófótur og gulstör. Sverðnykran var ekki í blóma í ágústlok 2012 þegar gróðurkönnunin fór fram. Samkvæmt heimildum blómgast tegundin sjaldan og myndar því sjaldan fræ. Þetta gæti hugsanlega útskýrt takmarkaða útbreiðslu hennar hérlendis, en Berufjarðarvatn er eini fundarstaðurinn enn sem komið er. |
|
|
| 1. febrúar 2013 |
|
|
Umhverfis- og auðlindaráðuneytið hefur lokið úthlutun sérstakra styrkja sem eiga að stuðla að uppbyggingu á sviði umhverfismála. Í heildina voru rúmlega 40 stofnanir, samtök og verkefni styrkt og nam heildar styrkfjárhæð ríflega 38 milljónum króna, en heildarupphæð umsókna nam ríflega 136 milljónum króna. Náttúrufræðistofa Kópavogs hlaut að þessu sinni styrk að upphæð 3,8 milljónir, sem jafnframt er hæsti styrkurinn sem veittur var, til vöktunar á vatnsgæðum og lífríki Þingvallavatns. Frekari upplýsingar um þessa styrki og úthlutun þeirra er að finna á heimasíðu Umhverfis- og auðlindaráðuneytisins. |
|
|
| 1. febrúar 2013 |
|
|
 Safnanótt árið 2013 verður haldin föstudaginn 8. febrúar, en þá munu söfn og aðrar menningarstofnanir á höfuðborgarsvæðinu bjóða upp á fjölbreytta dagskrá sem stendur yfir milli kl. 19 og 24. Að venju tekur Náttúrufræðistofa Kópavogs þátt í Safnanótt og býður upp á tvo atburði.
Bessadýr í Blávatni er heiti erindis þar sem Hilmar J. Malmquist, forstöðumaður Náttúrufræðistofunnar, fjallar um nýmyndað stöðuvatn í fornum eldgíg í toppi Oksins í Borgarfirði og það sérstæða lífríki sem þar er að finna. Erindið hefst kl. 19:30. Fyndnar furðuverur! er heiti dagskrárliðar sem hefst kl. 20:30. Þar spjallar Helgi Þorgils Friðjónsson myndlistarmaður við safngesti um dýrslegar, fyndnar og furðulegar myndastyttur sínar sem eru til sýnis í anddyri Náttúrufræðistofunnar. Auk framangreindra atriða stendur Bókasafn Kópavogs fyrir metnaðarfullri dagskrá eins og sjá má í sameiginlegri dagskrá Safnahússins. Dagskrár annarra safna í Kópavogi er að finna á heimasíðu Kópavogsbæjar. Allar upplýsingar um uppákomur kvöldsins er að finna á vef Safnanætur en einnig á fésbókarsíðu og vef Vetrarhátíðar í Reykjavík. Sérstök athygli er vakin á Safnanæturleiknum, ásamt því að hægt er að komast frítt milli staða með Safnanæturstrætó. |
|
|
| 27. nóvember 2012 |
|
|
 Í nýrri skýrslu á vegum Náttúrufræði- stofu Kópavogs um ástand Þingvalla- vatns kemur fram að umtalsverðar breytingar hafa átt sér stað í efna- og eðlisþáttum og lífríki vatnsins á undanförnum áratugum. Þingvallavatn hefur hlýnað, styrkur næringarefna aukist, þörungamagn vaxið og rýni minnkað. Breytingarnar eru raktar bæði til hnattrænna og staðbundinna þátta. Þrátt fyrir þessar breytingar er ástand Þingvallavatns enn mjög gott skv. viðmiðum fyrir umhverfisbreytur í reglugerð nr. 796/1999 um varnir gegn mengun vatns. Ef heldur fram sem horfir er hins vegar hætt við að margrómaður blámi og tærleiki Þingvallavatns muni rýrna með tilheyrandi skakkaföllum fyrir lífríkið. |
|
|
| 19. nóvember 2012 |
|
|
 Þessi jól sem endranær er krökkum á leikskólaaldri boðið á jólaævintýri í Safnahúsinu, Hamraborg 6a, dagana 3.-7. desember og 10.-14. desember 2012. Boðið er upp á tvo ævintýratíma, kl. 10:00 og 11:00. Heimsóknin varir í um 45 mínútur. Vinsamlega pantið tíma í síma 570 0450. |
|
|
| 24. september 2012 |
|
|
Föstudaginn 28. september n.k. verður Vísindavaka Rannís haldin í Háskólabíói. Dagskráin stendur frá kl. 17:00 - 22:00 og stefnir í að verða mjög fjölbreytt. Eins og undanfarin ár mun Náttúrufræðistofa Kópavogs taka þátt og kynna starfsemi sína í máli og myndum.
Að þessu sinni verður áhersla Náttúrufræðistofunnar á safnastarf og rannsóknir. Til sýnis verða gripir úr sýningarsafni stofunnar en rannsóknum hennar verða gerð skil með myndrænum hætti. Þar á meðal verður kynnt verkefnið „Vistgerðarflokkun íslenskra vatna“ sem unnið var að í sumar, en í tengslum við það fóru fram gróðurrannsóknir í um 40 vötnum á sunnan- og vestanverðu landinu.
Sjáumst í bás nr. 23 : )
|
|
|
| 15. júní 2012 |
|
|
Fyrir skömmu kom út yfirlitsgrein í tímaritinu Hydrobiologia þar sem tekin eru saman langtímagögn um fiskirannsóknir í 24 evrópskum stöðuvötnum. Titill greinarinnar er „ Impacts of climate warming on the long-termdynamics of key fish species in 24 Europian lakes“ og hana má nálgast á heimasíðu tímaritsins. Stærð vatnanna spannar allt frá smávötnum og upp í nokkur afstærstu vötnum álfunnar. Landfræðilega dreifast þau um alla Evrópu frá Íslandi og Finnlandi suður til Spánar. Fulltrúi Íslands í þessum hópi er Elliðavatn og er byggt á langtímarannsóknum Náttúrufræðistofunnar og Veiðimálastofnunar á silungi, vatnshita og ýmsum öðrum umhverfisbreytum. Ljóst er að miklar breytingar hafa orðið á fiskistofnum vatna í Evrópu á undanförnum áratugum og sýna breytingarnar sterka fylgni við loftslagshlýnun á tímabilinu. Þannig hafa orðið breytingar á tegundsamsetningu fiska í einstökum vötnum sem og í stærðar- og aldurssamsetningu fiskistofna. Hitaþolnar tegundir hafa sótt í sig veðrið á kostnað þeirra kuldakærari. Í Elliðavatni lítur út fyrir að bleikjan hafi látið undan síga svo um munar vegna hækkandi vatnshita. Umfjöllunin um Elliðavatn í tímaritinu Hydrobilogia er grundvölluð á annarri tímaritsgrein sem starfsmenn Náttúrufræðistofunnar og Veiðimálastofnunar birtu árið 2009. |
|
|
| 21. maí 2012 |
|
|
 Eins og allir vita stendur nú yfir átakið "Hjólað í vinnuna" sem hófst þann 9. maí sl. og stendur til 29. maí. Náttúrufræðistofan lætur sitt að sjálfsögðu ekki eftir liggja og tekur þátt í flokki fyrirtækja með 3 – 9 starfsmenn og teflir fram harðsnúnu fjögurra manna liði, HJÓLDÝRUNUM. Nú þegar átakið er u.þ.b. hálfnað er ljóst að HJÓLDÝRIN þurfa að herða sig í dagakeppninni, dúsandi í 27 sæti (af 107) þegar þessar línur eru skrifaðar. Hins vegar er staðan í kílómetrakeppninni ásættanlegri þar sem HJÓLDÝRIN verma hið notalega 13. sæti og höfum þar m.a. all gott forskot á nágranna okkar TÓNTRÖLLIN í Salnum. Glöggir taka eflaust eftir að á myndinni eru aðeins þrjú hjól en svo illa vildi til að þegar fréttin var unnin lá liðsstjórinn óvígur heima - en samkvæmt nýustu fréttum stendur það til bóta. Hennar er sárt saknað og vonumst við til að geta sett inn heila liðsmynd bráðlega. |
|
|
| 3. maí 2012 |
|
|
 Daganna 11. júní – 15. júní verður boðið upp á vikunámskeið í náttúrufræðum fyrir 10 til 12 ára börn. Markmið námskeiðs- ins er að efla þekkingu í náttúrufræðum og veita þátttakendum innsýn í vísindaleg vinnubrögð. Farið verður í vettvangsferðir og m.a. rannsakað vatna- og fjörulífríki í Kópavogi og nágrenni. Tekin verða sýni sem unnið verður úr á rannsóknastofu. Þar verða þau mæld, skoðuð í smásjá og niðurstöðurnar skráðar í vinnubækur. Námskeiðið stendur frá 10:00 – 15:00 dag hvern. Þátttakendur mæti með nesti, stígvél og hlífðarföt. Leiðbeinendur verða starfsmenn Náttúrufræðistofunnar. Námskeiðsgjald er 7500 kr. Veittur er 20% systkinaafsláttur. Hámarksfjöldi á námskeiðið eru 12 börn. Skráning fer fram á sumarvef Kópavogsbæjar. |
|
|
| 29. febrúar 2012 |
|
|
 Ársskýrsla Náttúrufræðistofu Kópavogs fyrir árið 2011 er komin út. Þar er að finna allar helstu upplýsingar um rekstur og starfsemi stofunnar á síðasta ári. Í inngangi skýrslunnar segir m.a.: „Starfsemi Náttúrufræðistofu Kópavogs á árinu 2011, sem var 28. starfsár stofunnar, gekk vel fyrir sig. Aðsókn að sýningarsafninu var góð en þó heldur minni en síðastliðin tvö ár og er það rakið til skertrar þjónustu vegna styttri opnunartíma. Sýningarhald var fjölbreytt sem endranær og reynt að höfða til fólks á öllum aldri. Þá var góður gangur í rannsóknastarfseminni.“ Ársskýrslur stofunnar er að finna undir flipanum „ Um stofuna“ hér að ofan. Þá var Stofnskrá Náttúrufræðistofunnar endurskoðuð á árinu og hún lagfærð einkum með hliðsjón af safnalögum (nr. 106/2001) og reglum Alþjóðaráðs safna (ICOM). |
|
|
| 21. febrúar 2012 |
|
|
 Miðvikudaginn 15. febrúar s.l. flutti Haraldur R. Ingva- son líffræðingur á Náttúrufræðistofu Kópavogs, erindið „Vöktun Þingvalla- vatns“ á Hrafnaþingi Náttúrufræði- stofnunar Íslands að Urriðaholtsstræti 6-8, Garðabæ.
Reglubundin vöktun á lífríki og vatnsgæðum Þingvallavatns hófst árið 2007 þegar Umhverfisstofnun, Landsvirkjun, Orkuveita Reykjavíkur og Þjóðgarðurinn á Þingvöllum gerðu með sér samkomulag þar að lútandi. Markmið vöktunarinnar er að kortleggja ástand og breytingar sem kunna að verða á lífríki, efna- og eðlisþáttum vegna hugsanlegra álagsþátta. Samkvæmt samkomulaginu hefur Náttúrufræðistofa Kópavogs sinnt vöktun á umhverfisþáttum, s.s. vatnshita, sýrustigi (pH) og rafleiðni, sem og lífverum í svifvist með áherslu á svifþörunga og svifkrabbadýr. Náttúrufræðistofan sinnir einnig rannsóknum á murtu í samvinnu við Veiðimálastofnun.
Í erindinu var fjallað um verkefnið og helstu niðurstöður þess kynntar. Sérstöku ljósi var beint að svifþörungum, þar sem niðurstöður benda til að aukning hafi orðið í magni þeirra frá því sem var á árabilinu 1970-1980. Þá var fjallað um árstíðasveiflur í vatnshita, hitalagskiptingu vatnsins og áhrif ytri þátta á hana.
Hér er hægt að hlusta á erindið á Youtube og hér má finna dagskrá Hrafnaþings. |
|
|
| 7. febrúar 2012 |
|
|
 Þann 10. febrúar næstkomandi munu söfn víðsvegar á höfuðborgarsvæðinu taka þátt í hinni árlegu Safnanótt. Þema safnanætur að þessu sinni er magnað myrkur og verður gaman að sjá hvernig hinir fjölmörgu og ólíku þátttkandendur nálgast það viðfangsefni.
Náttúrufræðistofa Kópavogs mun að sjálfsögðu taka þátt og kynna hið magnaða myrkur undirdjúpanna og hinar einstöku lífverur sem þar halda til.
Kl. 20:00 mun Hilmar J. Malmquist, forstöðumaður Náttúrufræðistofunnar halda erindi um lúsífer og fleiri dökkleita djúpsjávarfiska. Í anddyri Náttúrufræðistofunnar verða svo kjaftagelgjur til sýnis við skuggalegar aðstæður og myndum úr myrkum hafdjúpum verður brugðið upp á vegg.
nánar -> |
|
|
| 13. janúar 2012 |
|
|
Bæjarstjórn Kópa- vogs samþykkti þann 10. janúar sl. að friðlýsa hluta Skerjafjarðar sem er innan bæjarmarka Kópavogs með fjörum ásamt grunnsævi. Samkvæmt því verða friðlýst tvö svæði, annars vegar í Kópavogi (39 ha) og hins vegar í Fossvogi (23,6 ha), alls um 62,6 ha svæði. Samþykktin er í samræmi við Náttúruverndaráætlun 2004–2008 og 2009–2013. Náttúrufræðistofa Kópavogs hefur komið að þessu máli bæði með ráðgjöf og rannsóknum á lífríki svæðisins. Skerjafjarðarsvæðið í heild hefur alþjóðlegt verndargildi vegna farfuglategunda, svo sem rauðbrystings og margæsar, en þar er að finna lífríkar þangfjörur, leirur og grunnsævi sem skapa undirstöðu fyrir afar fjölbreytt fuglalíf allan ársins hring. Svæðið er einnig mikilvægt vegna marhálms og sjávarfitjungs sem hafa takmarkaða útbreiðslu hér á landi, en marhálmur er ein aðal fæða margæsar. |
|
|
| 17. október 2011 |
|
|
 Sýningin Eyjafjarðarfossar verður opnuð í anddyri Náttúrufræðistofu Kópavogs laugardaginn 22. október kl. 14. Hjálmar Hjálmarsson forseti bæjarstjórnar Kópavogs opnar sýninguna. Andrea Gylfadóttir og Kjartan Valdemarsson sjá um tónlist. Á sýningunni eru ljósmyndir af 42 fossum í eyfirskum vatnsföllum eftir Svavar Alfreð Jónsson, áhugaljósmyndara og prest við Akureyrarkirkju. Ljósmyndirnar á sýningunni tók Svavar á árunum 2009 til 2011. Fossarnir 42 eru í 25 straumvötnum sem renna í sveitum Eyjafjarðar. Samtals er fallhæð fossanna um 270 metrar og er sá hæsti um 18 metrar og meðalhæðin 6,4 metrar. Aðkoma að sumum fossunum var erfið og í einstaka tilfellum mátti Svavar þakka Guði sínum fyrir að sleppa heilu og höldnu úr hættulegu klungri. Léttar veitingar verða í boði. Sýningin stendur til 1. desember 2011. Allir eru velkomnir og aðgangur er ókeypis. |
|
|
| 25. ágúst 2011 |
|
|
 Á dögunum bárust starfsfólki Náttúrufræðistofunnar fregnir af drekaflugu á sveimi í húsagarði við Kambsveg í Reykjavík, skammt frá Sundahöfn. Drekaflugan náðist ekki en heimilisfólkið náði ágætum ljósmyndum af henni. Ekki var hægt að greina hana til tegundar af ljósmyndunum en af þeim má ráða að um 10 cm langt dýr var að ræða. |
|
|
| 22. júní 2011 |
|
|
Hin árlegu sumarnámskeið Náttúrufræðistofunnar fyrir 10-12 ára krakka eru nú í fullum gangi. Á námskeiðunum er áhersla lögð á útiveru og náttúruskoðun. Meðal annars eru tekin sýni sem síðan eru skoðuð frekar í rannsóknastofu og niðurstöðurnar skráðar. Þannig fá krakkarnir innsýn í vísindaleg vinnubrögð.
Oft hefur verið haft á orði að þessi námskeið séu kærkomin viðbót við hin fjölmörgu leikja- og íþróttanámskeið sem haldin eru á sumrin.
nánar -> |
|
|
| 10. maí 2011 |
|
|
 Haldið verður upp á afmælisdag Kópavogs þann 11. maí, kl. 16:00 með opnun sýningar á verkum Hauks Einarssonar, Holað í steininn. Tilefni sýningarinnar er myndarleg gjöf Guðríðar Gísladóttur, ekkju Hauks heitins, á úrvali steina og kristalla sem þau hjónin söfnuðu og Guðríður færði Náttúrufræðistofunni fyrir skömmu. Í ljós kom að á heimili hjónanna var ekki einungis að finna gott steinasafn, sem nú er að hluta til í eigu Náttúrufræðistofunnar, heldur einnig athyglisvert safn af listmunum eftir Hauk.
Um er að ræða ýmsa muni og gripi sem Haukur meitlaði, svarf og skar í stein, bein og tré. Öll verkin eru unnin í íslenskan efnivið. Hluta þessara verka úr einkasafni Guðríðar býðst almenningi að skoða á sýningunni. |
|
|
| 3. maí 2011 |
|
|
Hinir árlegu Kópavogsdagar hefjast þann 7. maí næstkomandi og er dagskráin að taka á sig endanlega mynd. Eins og fyrri ár munu Náttúrufræðistofan og Bókasafnið taka sig saman með dagskrá fyrir yngstu kynslóðina.
Fyrir hina eldri mun m.a. verða boðið upp á krassandi fræðsluerindi um pöddur í heimahúsum og vöktun lífríkis í Fossvogi. Á sjálfan afmælisdaginn verður svo opnuð sýningin "Holað í steininn".
Hér má nálgast dagskrá Kópavogsdaga.
|
|
|
| 7. apríl 2011 |
|
|
 Náttúrufræðistofu Kópavogs barst fyrir rúmi ári síðan myndarleg steinagjöf úr dánarbúi Ólínu Sigurðardóttur og Dags Daníelssonar á Álfhólsvegi 82.
Frumkvæði að gjöfinni áttu sonurinn Daníel Dagsson og Guðlaug Snorradóttir. Steinasafnið hefur nú verið flokkað og skráð. er um að ræða stórt og gott safn steina, með um 200 eintökum víðs vegar að af landinu og nokkrum mjög góðum eintökum af hrafntinnu og geislasteinum. Steinarnir voru tíndir á ferðalögum fjölskyldunnar um landið að sögn Daníels.
|
|
|
| 7. apríl 2011 |
|
|
Nú er ársskýrsla Náttúrufræðistofu Kópavogs fyrir árið 2010 komin út. Þar er að finna allar helstu upplýsingar er varða rekstur og starfsemi stofunnar á síðast ári. Í inngangi skýrslunnar segir m.a.
„Starfsemi Náttúrufræðistofu Kópavogs á árinu 2010, sem var 27. starfsár stofunnar, gekk vel þrátt fyrir þrengingar sem rekja má til fjármálahamfaranna haustið 2008. Aðsókn að sýningarsafninu var mjög góð og enn eitt aðsóknarmetið var slegið þrátt fyrir að þjónusta við safngesti hafi verið skert með styttri opnunartíma sýningarsafnsins. Sýningarhald var fjölbreytt sem endranær og höfðaði til fólks á öllum aldri. Þá var þokkalegur gangur í rannsóknastarfseminni“.
Sérstaka ánægju vekur að gestum heldur áfram að fjölga milli ára, enda er náttúrugripasafn stofunnar það eina á höfuðborgarsvæðinu sem að jafnaði er opið almenningi eftir að safni Náttúrufræðistofnunnar Íslands var lokað.
Ársskýrslur stofunnar er að finna undir flipanum Um stofuna hér að ofan.
nánar -> |
|
|
| 28. febrúar 2011 |
|
|
Ráðstefnan Umhverfismengun á Íslandi - vöktun og rannsóknir var haldin þann 25. febrúar sl. Ráðstefnan var haldin að frumkvæði Umhverfisráðuneytisins, Matís og Umhverfisstofnunar. Þátttaka var góð, en yfir 100 manns skráðu sig, alls staðar að af landinu. Flutt voru fjölmörg erindi en einnig voru verkefni kynnt á veggspjöldum. Efni ráðstefnunnar spannaði íslenska náttúru frá fjallatoppum niður í hyldýpi úthafsins og er óhætt að segja að margt áhugavert sé að gerast í vöktunarrannsóknum hér á landi. Náttúrufræðistofan kynnti tvö vöktunarverkefni sem unnið hefur verið að í nokkur ár. Annars vegar er um að ræða vöktun á eðlisþáttum í nokkrum vötnum á höfuðborgarsvæðinu, en hins vegar vöktun á magni blaðgrænu-a í Þingvallavatni. Kynningin fór fram á veggspjöldum sem hér má nálgast. Hér er svo að finna dagskrá ráðstefnunnar. |
|
|
| 10. febrúar 2011 |
|
|
Undanfarið hefur staðið yfir vinna við gerð nýrrar heimasíðu Náttúrufræðistofu Kópavogs og er hún hér með komin í loftið. Útlit og uppsetning síðunnar er gjörbreitt frá því sem var og er von okkar að bærilega hafi tekist til.
Svo skemmtilega vill til að gangsetning síðunnar fer nánast saman við Safnanótt og því má segja að tvöföld ástæða sé til að fagna.
Með því að smella á þennan tengil er hægt að nálgast upplýsingar um hinar merkilegu íslensku grunnvatnsmarflær, en þær voru hryggjarstykkið í dagskrá Náttúrufræðistofunnar á Safnanótt.
nánar -> |
|
|
| 9. febrúar 2011 |
|
|
 Nú er dagskrá þeirra safna í Kópavogi sem taka þátt í Safnanótt orðin endanlega ljós. Þátttakendur verða Bókasafn Kópavogs, Gerðarsafn, Héraðs- skjalasafn Kópavogs, Náttúrufræðistofa Kópavogs, Tónlistarsafn Íslands og Molinn - ungmennahús. Óhætt er að segja að dagskráin sé glæsileg og allir ættu að geta fundið eitthvað við sitt hæfi.
Ef smellt er á tengilinn opnast glæsilegur bæklingur þar sem dagskrá Safnanætur í Kópavogi er gerð góð skil. Hér má svo finna nánari upplýsingar um alla viðburði safnanætur |
|
|
| 31. janúar 2011 |
|
|
 Þann 11. febrúar næstkomandi munu söfn víðsvegar á höfuðborgarsvæðinu taka þátt í hinni árlegu Safnanótt. Þema safnanætur að þessu sinni er íslendingurinn og verður gaman að sjá hvernig hinir fjölmörgu og ólíku þátttkandendur nálgast það viðfangsefni. Íslendingar Náttúrufræðistofu Kópavogs eru íslenskar grunnvatnsmarflær, einlendar tegundir krabbadýra sem bundnar eru við vatnsmikil grunnvatnskerfi á hinu eldvirka belti landsins. Um er að ræða tvær tegundir sem þróast hafa hér á landi og finnast hvergi annars staðar. Hér má finna nánari upplýsingar um safnanótt.
|
|
|
| 28. janúar 2011 |
|
|
Það voru undrandi náttúrufræðingar sem tóku við tveimur syfjulegum holugeitungsdrottningum nú í vikunni. Janúar hefur fram til þessa ekki verið þekktur sem sá tími þegar skordýr vakna úr dvala, en geitungarnir hafa jú það sér til málsbóta að veðráttan undanfarið hefur verið meira í ætt við vorblíðu en vetrarhörkur. nánar -> |
|
|
| 19. desember 2010 |
|
|
 Þegar líður á aðventuna berast okkur undantekningalaust fyrirspurnir um ýmis smádýr sem slæðst hafa til landsins með innfluttum jólatrjám. Oftar en ekki er um að ræða svokallaðar skortítur sem lifa m.a. á að sjúga safa úr barrnálum. Þessi dýr geta verið mjög litfögur og skrautleg og oftar en ekki í hefðbundnum jólalitum, græn, rauð og jafnvel málmgljáandi eins og sú á myndinni hér til hliðar. Mjög er þó misjafnt hve hrifnir eigendur jólatrjánna eru af hinum fagurlituðu gestum sínum. |
|
|
| 5. október 2010 |
|
|
 Næstkomandi laugardag þann 9. október kl. 14 verður opnuð sýningin Trékarlar í anddyri Náttúrufræðistofunnar. Trékarlar eru útskornir tréstaurar sem öðlast hafa framhaldslíf með ástríðu og hugkvæmni Guðmundar Sigurðssonar, hagleikssmiðs og Kópavogsbúa. Hafsteinn Karlsson, formaður Lista- og menningarráðs Kópavogs, flytur ávarp við opnunina. Allir eru velkomnir og aðgangur er ókeypis. |
|
|
| 27. september 2010 |
|
|
 Síðastliðinn föstudag tók Náttúrufræðistofa Kópavogs þátt Vísindavöku Rannís í annað skipti. Vísindavakan var haldin í Listasafni Reykjavíkur - Hafnarhúsinu. Mæting var frábær, en alls komu um 4200 manns á vökuna og var fullt út úr dyrum nánast allan tímann. Náttúrufræðistofan deildi sýningarrými með Hinu íslenska náttúrufræðifélagi, þar sem starfsemi stofunnar var kynnt með myndasýningu og sýnishornum af útgefnu efni. Jafnframt var stillt upp í þremur krukkum, einfaldaðri mynd af fæðuvef í íslenskum vötnum. Óhætt er að segja að þessi einfalda uppstilling hafi slegið í gegn, því að þó tveir starfsmenn stofunnar væru á staðnum, hafðist vart undan að skýra út fyrir forvitnum gestum á öllum aldri hvað þarna væri um að vera. |
|
|
| 8. september 2010 |
|
|
 Hin árlega fjölskylduganga á umhverfisdegi Kópavogs fer fram laugardaginn 11. september. Markmiðið er að gefa Kópavogsbúum færi á að kynnast nokkrum af helstu náttúruperlum og menningarminjum bæjarins. Umhverfisráð Kópavogs stendur fyrir deginum. Brottför verður frá Náttúrufræðistofu Kópavogs kl. 11:00. Gengið verður niður á Kópavogstún, síðan um Borgarholt og loks er hringnum lokað með heimsókn á Náttúrufræðistofu Kópavogs. Með í för verða Birgir Hlynur Sigurðsson, sviðsstjóri skipulags- og umhverfissviðs Kópavogs, Hilmar Malmquist, forstöðumaður Náttúrufræðistofu Kópavogs og Friðrik Baldursson garðyrkjustjóri. Gangan tekur um það bil klukkutíma. Hún verður krydduð með fjöri og fróðleik fyrir alla aldurshópa. Ömmur, afar, mömmur og pabbar eru hvött til að taka börnin með. Að lokinni göngu verður þátttakendum boðið upp á grillaðar pylsur og gos við Náttúrufræðistofu Kópavogs. Allir eru velkomnir! |
|
|
| 28. ágúst 2010 |
|
|
Í tilefni hátíðarinnar verður auk hefðbundinnar leiðsagnar, sérstök umfjöllun um hin sérstæða kúluskít sem Náttúrufræðistofan hefur til sýnis og hefst hún kl. 14:00. Af þessu tilefni hafa gestir safnsins einstakt tækifæri til að kynnast þessum furðulegu lífverum í nágvígi - hvern hefur t.d. Ekki alltaf dreymt um að klappa kúluskít??? nánar -> |
|
|
| 25. ágúst 2010 |
|
|
 Þann 24. ágúst sl. Fór hópur frá Náttúrufræðistofunni upp að toppgíg Oksins, en þar hefur á allra síðustu árum myndast nýtt stöðuvatn í kjölfar jökulbráðnunar. Samkvæmt GPS mælingum er vatnið í um 1114 metra hæð, en vötn ofan við 1000 metra hæð eru afar fá hér á landi og lausleg athugun bendir til að hið nýja vatn sé það hæsta - að Grímsvötnum undanskildum. Ferðin var farin í þeim tilgangi að kortleggja stærð og dýpi vatnsins og taka sýni til að kanna hvort- og þá hvaða lífverur hafa náð að nema land á þeim skamma tíma sem liðinn er frá myndun vatnsins, en þess varð fyrst vart í ágúst 2007. |
|
|
| 27. júlí 2010 |
|
|
Að venju verður lokað í Safnahúsinu yfir verslunarmannahelgina, þ.e. Dagana 31. júlí til 2. ágúst. Góða helgi. nánar -> |
|
|
| 27. júlí 2010 |
|
|
Frá og með 3. ágúst n.k. Breytist opnunartími Náttúrufræðistofu Kópavogs og Bókasafnsins. Ekki verður lengur opið á sunnudögum í Safnahúsinu og opnunartími styttist á kvöldin. Þetta er gert í sparnaðarskyni samkvæmt ákvörðun fráfarandi bæjarstjórnar Kópavogs. Opnunartíminn frá 3. ágúst verður því sem hér segir: Mánudaga til fimmtudaga kl. 10.00 – 19.00 föstudaga kl. 11.00 – 17.00 laugardaga kl. 13.00 – 17.00 sunnudaga lokað. nánar -> |
|
|
| 7. júlí 2010 |
|
|
Í vikunni barst okkur sýni af bjöllum sem safnað hafði verið í víðirunna austur í Grafningi og bárust böndin strax að asparglyttu (Phratora vitellinae). Sú greining var skömmu síðar staðfest af Erling Ólafssyni skordýrafræðingi á Náttúrufræðistofnun Íslands og er þarna um að ræða nýjan fundarstað á landinu. Asparglytta fannst fyrst hér á landi árið 2005 í skógræktarstöðinni að Mógilsá og hefur síðan dreifst nokkuð um höfuðborgarsvæðið. Um er að ræða bjöllu sem sækir í víðirunna og aspir og getur valdið verulegum skemmdum. Greinargóða umfjöllun um þennan vágest er að finna á vef Náttúrufræðistofnunnar Íslands. nánar -> |
|
|
| 7. júlí 2010 |
|
|
 Íslenski safnadagurinn í ár verður haldinn sunnudaginn 11. júlí og ber yfirskriftina Fyrir fjölskylduna. Á Náttúrufræðistofunni verður boðið upp á leiðsögn um sýningu Magnúsar Árnasonar AF LIFUN og sérstök kynning verður fyrir krakka á hinum einstaka kúluskít sem lifir í Mývatni. Dagskráin hefst kl. 15.00. Á safnadeginum verða sýningasalir Náttúrufræðistofunnar opnir eins og venja er á sunnudögum milli kl. 13 og 17 og aðgangur er sem fyrr ókeypis. |
|
|
| 6. júlí 2010 |
|
|
 Að undanförnu hefur verið óvenju mikið að gera við að taka á móti fyrirspurnum er varða skordýr og pöddur ýmiskonar. Þá hefur borist mikið af skordýrum til greiningar. Að lang mestu leiti er það almenningur sem setur sig í samband við okkur, en einnig er nokkuð um að meindýraeyðar leiti til okkar. Almennt er ekki tekið gjald fyrir pöddugreiningar og er fólk hvatt til að setja sig í samband við okkur ef spurningar vakna og eins ef vart verður við eitthvað óvenjulegt eða framandi. |
|
|
| 28. júní 2010 |
|
|
Sólmánuður er mánuður hásumarsins, þegar dagurinn er lengstur. Maríuerla sem kennd er við Maríu mey, er fugl sem ekki slórar við tilgang ferðar sinnar yfir úthafið, sem er að koma hér upp afkvæmum sínum. Þeir koma flestir í lok apríl og fara í lok ágúst. Maríuerlur verpa jafnan bara einu sinni á sumri en oft verpa smáir spörfuglar tvisvar. nánar -> |
|
|
| 23. júní 2010 |
|
|
Þann 24. júní efnir Norræna húsið til málþings um tækifærin sem felast í friðlandi í miðri borg og möguleikum til endurbóta á núverandi ástandi. Málþingið hefst kl. 10 og stendur til kl. 12. Aðgangur er ókeypis og eru allir velkomnir meðan húsrúm leyfir. Dagskrá málþingsins er sem hér segir: 10.00 Jóhann Óli Hilmarsson, fuglafræðingur: “Tilgangur friðlandsins og ástand varpfugla” 10.15 Erik Jeppesen, prófessor í vatnavistfræði við Árósarháskóla: “Lake restoration and the possibilities of restoring the city lakes in Reykjavik” 10.40 Natalie Jeremijenko, prófessor við NY Háskóla: “Wetlanding: on the spectacular possibilities and environmental services of urban wetland ecosystems” 11.00 Arnaldur Schram, arkitekt: “Arkítektúr, vistkerfi og landslag, framtíðarsýn á friðlandið” 11.15 Umræður og spurningar úr sal. nánar -> |
|
|
| 31. maí 2010 |
|
|
Skerpla er annar mánuður í sumri samkvæmt gamla norræna tímatalinu og stendur frá 22. maí til 20. júní. Á þessum tíma hafa flestir fuglar hafið varp. Hrossagaukurinn er einn af þeim fuglum sem er bæði algengur og áberandi. Hann helgar sér landsvæði (óðal) og innan þess er hreiðrið. Óðalið ver hrossagaukurinn með einkennandi fluglagi og hneggi umhverfis svæðið. nánar -> |
|
|
| 19. maí 2010 |
|
|
Í júní verður að vanda boðið upp á tvö vikunámskeið í náttúrufræðum fyrir 10 til 12 ára börn. Markmið námskeiðsins er að efla þekkingu í náttúrufræðum og veita þátttakendum innsýn í vísindaleg vinnubrögð. Farið verður í vettvangsferðir og m.a. rannsakað vatna- og fjörulífríki í Kópavogi og nágrenni. Á rannsóknastofu verða sýni mæld og skoðuð í smásjá og haldnar vinnubækur. Námskeið 1: 14. – 18. júní (fjórir dagar) Námskeið 2: 21. – 25. júní Námskeiðið stendur yfir frá kl. 10 – 15 hvern dag og mæta þátttakendur með nesti, stígvél og hlífðarföt. Innritun fer fram á Náttúrufræðistofu Kópavogs milli kl. 10 og 16 fram til 11. júní. Námskeiðsgjald er 5.600 kr. fyrir fyrri vikuna og 7.000 kr. fyrir þá seinni. Leiðbeinendur verða starfsmenn á Náttúrufræðistofunni. Athugið! Fjöldi þátttakenda takmarkast við 12 börn á hvoru námskeiði. nánar -> |
|
|
| 3. maí 2010 |
|
|
Kópavogsdagar verða settir laugardaginn 8. maí næstkomandi. Að venju er boðið upp á fjölbreytta menningardagskrá og má lesa sér til um dagskrána í heild hér. Náttúrufræðistofa Kópavogs lætur ekki sitt eftir liggja á Kópavogsdögum og býður upp á Freyju fisdægru, ævintýri fyrir krakka á leikskólaaldri, Litlar flugur – stórt hlutverk, fyrirlestur um rannsóknir á rykmýi, Fljúga hvítu fiðrildin, sem er yfirlitssýning á flækingsskordýrum, og Af lifun sem er sýning á verkum listamannsins Magnúsar Árnasonar. |
|
|
| 12. apríl 2010 |
|
|
Þá er komið að fugli einmánaðar hér á Náttúrufræðistofunni en það er hrafninn. En einmánuður er síðasti vetrarmánuðurinn í gamla norræna tímatalinu. nánar -> |
|
|
| 30. mars 2010 |
|
|
Náttúrufræðistofa Kópavogs verður lokuð um páskana frá og með fimmtudeginum 1. apríl (skírdagur) til og með mánudagsins 5. apríl (annar í páskum). Opið verður samkvæmt venju frá og með þriðjudeginum 6. apríl. Starfsfólk Náttúrustofunnar óskar gestum sínum, samstarfsfólki og landsmönnum öllum gleðilegra páska. nánar -> |
|
|
| 18. mars 2010 |
|
|
Dregið hefur verið í Safnanæturleiknum. Um 500 manns tóku þátt í þessum skemmtilega leik, enda vinningarnir sérlega veglegir. Vinningshafarnir í Safnanæturleiknum voru: 1. verðlaun, Boð á Safnanótt í Berlín 28. ágúst, flug með Iceland Express og 100.000 kr í gjaldeyri frá MP-banka: Steinunn Björk Bragadóttir. 2. verðlaun, út að borða fyrir tvo á Dill Restaurant í Norræna húsinu: Ársæll Jóhannsson. 3. verðlaun, geirfuglskerti frá Landnámssýningunni 871+/-2: Þórdís Erlingsdóttir. nánar -> |
|
|
| 11. mars 2010 |
|
|
Miðvikudaginn 24. mars næstkomandi verður haldið málþing um jarðminjagarða (Geoparks) á Íslandi í Salnum, Hamraborg 6, Kópavogi. Að málþinginu standa Jarðfræðafélag Íslands, Náttúrustofa Suðurlands, Náttúrustofa Norðurlands vestra, Náttúrustofa Reykjaness, Náttúrufræðistofa Kópavogs, Umhverfisstofnun og Náttúrufræðistofnun Íslands. Aðgangur er ókeypis en þátttöku þarf að tilkynna á netfangið steini@nnv.is fyrir 22. mars. Umhverfisráðherra, Svandís Svavarsdóttir og Óskar Bergsson, formaður Borgarráðs ávarpa þingið. Að því loknu flytja ellefu valinkunnir fræðimenn erindi og má sjá dagskrá þingsins í meðfylgjandi skjali. nánar -> |
|
|
| 23. febrúar 2010 |
|
|
Þá er framhaldið með fugl mánaðarins hér á Náttúrufræðistofunni. Miðað er við gömlu norrænu mánaðarheitin og fugl þorra var snjótittlingur en nú er góan gengin í garð. Fugl góu er fýll og kannski má kalla hann fyrsta vorboðann. Hann hverfur af varpstöðvum seinnihluta september, flækist þá víða um höf, og fer að birtast aftur upp úr miðjum janúar. Lesa nánar nánar -> |
|
|
| 15. febrúar 2010 |
|
|
Óhætt er að segja að safnanótt hafi verið vel tekið hér í Safnahúsinu og var stöðugur straumur fólks allt til loka um miðnætti. Alls komu rúmlega 800 gestir í Safnahúsið og nutu hinna fjölbreyttu atriða sem í boði voru. Ljóst má vera að Safnanótt er komin til að vera í Kópavogi. Starfsfólk Náttúrufræðistofunnar þakkar gestum sínum kærlega fyrir komuna. nánar -> |
|
|
| 5. febrúar 2010 |
|
|
 Náttúrufræðistofa Kópavogs mun ásamt fleiri söfnum í Kópavogi taka þátt í Safnanótt föstudaginn 12. febrúar í fyrsta skipti. Þema Safnanætur að þessu sinni er draumar. Á vegum Náttúrufræðistofunnar verður boðið upp á tvo dagskrárliði. Annars vegar er leiðsögn kl. 21:00-22:30 sem ber heitið Eru fuglarnir guðir? og er í fygld Þorvaldar Friðrikssonar skrímslafræðings, sem leiðir næturgesti um skuggalega sýningarsali Náttúrufræðistofunnar og segir frá táknrænni merkingu íslenskra fugla og fleiri dýra í trúarbrögðum og draumförum manna. Hins vegar er atburðurinn Þorirðu að kíka? sem stendur yfir frá kl. 19:00 til loka safnanætur kl. 24:00. Þar er á ferð óræður skapnaður sem leynist í sýningarkassa í anddyri Náttúrufræðistofunnar. Spurningin er hvort gripurinn er lífs eða liðinn, manngerður eða náttúrulegur? Dagskrá Safnanætur á höfuðborgarsvæðinu er að finna hér á heimasíðu Safnanætur 2010. |
|
|
| 21. janúar 2010 |
|
|
Nú hefur verið tekin upp sú nýbreytni á Náttúrufræðistofu Kópavogs að kynna til sögunnar fugl mánaðarins . Jafnframt verður að finna upplýsingar um viðkomandi fugl hér á heimasíðunni. Ætlunin er að fylgja gömlu mánuðunum og er því fyrsti fuglinn fugl þorramánaðar. Að vonum er um að ræða fugl sem sannarlega tengist kulda, snjó og þolgæði, sjálfan snjótittlinginn. nánar -> |
|
|
| 20. janúar 2010 |
|
|
 Á dögunum voru starfsmenn Náttúrufræðistofunnar við reglubundna sýnatöku og mælingar í Bakkatjörn á Seltjarnarnesi. Tjörnin var lögð 10 – 15 cm þykkum ís og vatnshiti undir honum var um 0,5° C. Það kom því nokkuð á óvart að finna stórvaxnar vatnaflær (2,5–3 mm) á sundi í vatnssýni sem tekið hafði verið til blaðgrænumælinga, enda á vatnalíf af þessu tagi almennt að vera í dvala að vetri til, samkvæmt bókinni. Í kjölfarið var málið kannað betur og reyndist þá vera mikil mergð af þessum dýrum í tjörninni. Dýrin voru þess utan ókunnugleg í útliti og lék grunur á að um væri að ræða nýja tegund fyrir landið! Sú mun þó tæpast vera raunin. |
|
|
| 22. desember 2009 |
|
|
 Starfsfólk Náttúrufræðistofu Kópavogs óskar gestum safnsins, velunnurum þess, samstarfsaðilum og landsmönnum öllum gleðilegra jóla og farsældar á nýju ári. Bestu þakkir fyrir samveruna og samvinnuna á árinu sem er að líða. Sjáumst heil á nýja árinu!
Náttúrufræðistofan og Bókasafn Kópavogs verða lokuð 25., 26. og 27. desember 2009 og 1., 2. og 3. janúar á nýja árinu. Á aðfangadag og gamlaársdag er opið frá kl. 10 til kl. 12. |
|
|
| 26. nóvember 2009 |
|
|
 Laugardaginn 28. nóvember verður haldin jólahátíð í Kópavogi á Hálsatorgi og í nærliggjandi menningarstofnunum. Kópavogsbúum og öðrum gestum er meðal annars boðið að taka þátt í laufabrauðsbakstri, hlusta á jólasöngva, fræðast um jólaköttinn og tendra á jólaljósunum á vinarbæjarjólatré Kópavogsbúa. Í Safnahúsinu bjóða Bókasafnið og Náttúrufræðistofan upp á vinsæla ævintýrið um Jólaköttinn fyrir 4-6 ára krakka. Lesa má dagskrána með því að smella á myndina hér til hliðar. |
|
|
| 23. nóvember 2009 |
|
|
Þessi jól sem endranær er krökkum á leikskólaaldri boðið á jólaævintýri í Safnahúsinu, Hamraborg 6a, dagana 30. nóvember - 4. desember og 7. - 11. desember 2009. Boðið er upp á tvo ævintýratíma, kl. 10:00 og 11:00. Heimsóknin varir í um 45 mínútur. Vinsamlega pantið tíma í síma 570 0450. nánar -> |
|
|
| 20. nóvember 2009 |
|
|
 Húsfyllir var í Salnum s.l. Miðvikudag á kynningu um mögulega nýtingu Þríhnúkagígs í þágu ferðamennsku og fræðslu um náttúru Íslands. Ríflega 200 manns mættu til leiks og hlýddu á bræðurna Árna og Einar Stefánssyni kynna verkefnið. Katrín Júlíusdóttir iðnaðarráðherra og Svandís Svavarsdóttir umhverfisráðherra tóku þátt í kynningunni auk bæjarstjórans í Kópavogi, Gunnsteins Sigurðssonar. Sýning á hugmyndum Þríhnúka ehf. Og VSÓ Ráðgjafar um nýtingu Þríhnúkagígs stendur yfir á Náttúrufræðistofunni fram til 18. desember n.k. |
|
|
| 11. nóvember 2009 |
|
|
 Bæjarstjórn Kópavogs býður til kynningar á hugmyndum um nýstárlega nýtingu Þríhnúkagígs í þágu ferðamennsku og fræðslu um náttúru Íslands. Kynningin fer fram í Salnum í Kópavogi miðvikudaginn 18. nóvember kl. 17:00. Að fundinum standa bæjarstjórn Kópavogs, VSÓ Ráðgjöf og Náttúrufræðistofa Kópavogs. Fundurinn er opinn og allir eru velkomnir. |
|
|
| 10. nóvember 2009 |
|
|
 Dagana 6. og 7. nóvember sl. fór fram ráðstefna á vegum Líffræðifélags Íslands og Líffræðistofnunar háskólans. Með ráðstefnunni var verið að fagna 30 ára afmæli Líffræðifélagsins og jafnframt 35 ára afmæli Líffræðistofnunar. Ráðstefnan fór fram í Öskju, náttúrufræðahúsi Háskóla Íslands, húsakynnum Íslenskrar erfðagreiningar og í Norræna húsinu. Starfsfólk Náttúrufræðistofu Kópavogs var að sjálfsögðu á meðal þátttakenda og hélt fjögur erindi þar sem kynnt voru nemendaverkefni og niðurstöður rannsókna sem unnið hefur verið að á Náttúrufræðistofunni. |
|
|
| 29. september 2009 |
|
|
 Nýlega barst Náttúrufræðistofu Kópavogs einkar fallegur og sérstæður fiskur og var honum strax komið fyrir í sjóbúri í sýningarsal stofunnar. Um er að ræða urrara, en nafnið er til komið af því að hann getur með aðstoð sundmagans gefið frá sér urrandi hljóð. Þá eru þrír neðstu geislar eyrugganna ummyndaðir í n.k. ganglimi. |
|
|
| 25. september 2009 |
|
|
 Hin árlega Vísindavaka hefst í dag 25. september kl. 17 í Listasafni Reykjavíkur. Náttúrufræðistofan tekur þátt í vísindavökunni og mun starfsfólk kynna starfsemi stofunnar á sviði sýninga, rannsókna og ráðgjafar. Á boðstólum verða m.a. lifandi hornsíli og hinn sérstaki kúluskítur, rannsóknaskýrslur til að rýna í og brugðið verður upp á skjá myndum úr starfseminni. Dagskrá Vísindavöku 2009 er að finna hér. |
|
|
| 1. júlí 2009 |
|
|
Nú um mánaðamótin júní–júlí kom út á vegum Náttúrufræðistofunnar önnur gagnaskýrslan vegna vöktunar á lífríki og vatnsgæðum í Þingvallavatni. Um er að ræða langtímaverkefni sem hófst vorið 2007. Ástand Þingvallavatns árið 2008 var gott m.t.t. efna− og eðlisþátta og þörunga- og dýrasvifs úti í vatnsbolnum. nánar -> |
|
|
| 22. júní 2009 |
|
|
 Vikuna 15. til 19. júní stóð Náttúrufræðistofan fyrir sumarnámskeiði í náttúrufræði fyrir 10 - 12 ára krakka. Fór námskeiðið vel fram og ekki var annað að sjá en það færu ánægðir þátttakendur sem luku námskeiðinu. |
|
|
| 22. maí 2009 |
|
|
Í júní verður boðið upp á tvö vikunámskeið í náttúrufræðum fyrir krakka sem fædd eru á árunum 1997– 1999. Markmið námskeiðsins er að efla þekkingu í náttúrufræðum og veita þátttakendum innsýn í vísindaleg vinnubrögð. Farið verður í vettvangsferðir og m.a. rannsakað vatna- og fjörulífríki í Kópavogi og nágrenni. Á rannsóknastofu verða sýni mæld og skoðuð í smásjá og haldnar vinnubækur. nánar -> |
|
|
| 15. maí 2009 |
|
|
 Glöggur Kópavogsbúi við Sæbólsbraut hafði samband við Náttúrufræðistofu Kópavogs þann 14. maí og sagðist í tvígang hafa séð svölur á flugi fyrir utan gluggann hjá sér. Starfsmenn náttúrufræðistofunnar fóru á vettvang og komu einnig auga á fuglana á hringsóli í botni Fossvogs. Um var að ræða þrjár bæjarsvölur. |
|
|
| 6. maí 2009 |
|
|
 Kópavogsdagar verða settir laugardaginn 9. maí næstkomandi og standa yfir í viku fram til föstudagsins 15. maí. Þetta er í áttunda skipti sem Kópavogsbær stendur að þessari menningarhátíð og nú sem endranær er boðið upp á fjölbreytta dagskrá við allra hæfi sem lesa má hér. Náttúrufræðistofa Kópavogs lætur ekki sitt eftir liggja á Kópavogsdögum og býður upp á viðburði af ýmsu tagi. |
|
|
| 5. maí 2009 |
|
|
 Út er komin skýrsla á vegum Náttúrufræðistofu Kópavogs þar sem fjallað er um rannsókn á lífríki og efna– og eðlisþáttum í Bakkatjörn á Seltjarnarnesi á tímabilinu maí–október 2008. Verkefnið var unnið fyrir Umhverfisnefnd Seltjarnarnesbæjar. Ástand Bakkatjarnar var að mörgu leyti óvenjulegt, sérstaklega hvað varðar styrk næringarefna og magn svifþörunga. |
|
|
| 17. mars 2009 |
|
|
 Listamaðurinn Lísa K. Guðjónsdóttir opnar sýningu sína „Fiskur í steini“ í Náttúrufræðistofu Kópavogs fimmtudaginn 19. mars næstkomandi. Frá árinu 2000 hefur Lísa unnið í grjót en það er fyrst nú, á árinu 2009, sem hún sýnir steingerðar höggmyndir sínar opinberlega. |
|
|
| 11. mars 2009 |
|
|
Ársskýrsla Náttúrufræðistofu Kópavogs fyrir árið 2008, sem var 25. starfsár stofunnar, er komin út. Hægt er að nálgast skýrsluna hér. nánar -> |
|
|
| 13. janúar 2009 |
|
|
 Náttúrufræðistofa Kópavogs lauk fyrir skömmu rannsókn á lífríki og efna– og eðlisþáttum í Hafravatni, en verkefnið var unnið fyrir Heilbrigðiseftirlit Kjósarsvæðis, Mosfellsbæ og Umhverfissvið Reykjavíkurborgar. Ástand Hafravatns var mjög gott m.t.t. flestra efna– og lífríkisþátta. Samanburður við eldri rannsóknir benda til athyglisverðra breytinga í vistkerfi vatnsins. |
|
|
| 22. desember 2008 |
|
|
 Starfsfólk Náttúrufræðistofu Kópavogs óskar gestum safnsins, velunnurum þess, samstarfsaðilum og landsmönnum öllum gleðilegra jóla og farsældar á nýju ári. Bestu þakkir fyrir samveruna og samvinnuna á árinu sem er að líða. Sjáumst heil á nýja árinu! Náttúrufræðistofan og Bókasafnið verða lokuð á jóladag og annan í jólum nk.. Á aðfangadag og gamlaársdag er opið frá kl. 10:00 til kl. 12:00, en lokað er á nýársdag. |
|
|
| 2. desember 2008 |
|
|
 Nýlega var greint frá því í fjölmiðlum að PKD−nýrnaveiki hefði greinst í fiski í fyrsta skipti hér á landi. Um fundinn má einnig lesa á heimasíðu Veiðimálastofnunar. Um var að ræða bleikju úr Elliðavatni og frumdýrið Tetracapsuloides bryosalmonae sem veldur sýkingunni. Eðlilega vakna margar spurningar í kjölfar þessa fundar. Þar á meðal af hverju PKD−sýking skjóti fyrst upp kollinum nú. Enda þótt fullsnemmt sé að staðhæfa nokkuð í þessum efnum er ekki útilokað að hlýnun Elliðavatns eigi hér sök að máli. Myndin hér t.h. er af þráðmosungi (Fredericella sultana), sem er millihýsill fyrir sníkjudýrið. |
|
|
| 27. nóvember 2008 |
|
|
Laugardaginn 29. nóvember verður haldin jólahátíð í Kópavogi á Hálsatorgi og í nærliggjandi menningarstofnunum. Kópavogsbúum og öðrum gestum er meðal annars boðið að taka þátt í laufabrauðsbakstri, hlusta á jólasöngva, fræðast um jólaköttinn og tendra á jólaljósunum á vinarbæjarjólatré Kópavogsbúa. Í Safnahúsinu bjóða Bókasafnið og Náttúrufræðistofan upp á vinsæla ævintýrið um Jólaköttinn fyrir 4-6 ára krakka. nánar -> |
|
|
| 17. nóvember 2008 |
|
|
Þessi jól sem endranær er krökkum á leikskólaaldri boðið á jólaævintýri í Safnahúsinu, Hamraborg 6a, dagana 1.-5. desember og 8.-12. desember 2008. Boðið er upp á tvo ævintýratíma, kl. 10:00 og 11:00. Heimsóknin varir í um 45 mínútur. Vinsamlega pantið tíma í síma 570 0450. nánar -> |
|
|
| 4. nóvember 2008 |
|
|
Náttúrufræðistofan gaf nýlega út fyrstu gagnaskýrsluna vegna vöktunar á lífríki og vatnsgæðum í Þingvallavatni, en um langtímaverkefni er að ræða sem hófst vorið 2007. Í stuttu máli sagt bendir flest til þess að ástand Þingvallavatns árið 2007 m.t.t. efna− og eðlisþátta og þörunga− og dýrasvifs úti í vatnsbolnum sé mjög gott og svipað því sem var fyrir um 30 árum. nánar -> |
|
|
| 28. september 2008 |
|
|
 Ekvador verður í brennidepli á suður-amerískri menningarhátíð sem Kópavogsbær gengst fyrir og hefst laugardaginn 4. október nk. Fjölbreyttar sýningar verða í Salnum, Gerðarsafni og hér í Safnahúsinu hjá Náttúrufræðistofu og Bókasafni Kópavogs. Um dagskrána í heild má lesa á sérvef um Ekvador menningarhátíðina. |
|
|
| 11. september 2008 |
|
|
 Náttúrufræðistofunni barst á dögunum flundra (Platichthys flesus) sem veiddist í Kópavogslæk 3. september sl. Flundra er flatfiskur af kolaætt og einskonar nýbúi við Ísland, en hennar varð fyrst vart hér á landi í september 1999 þegar hún veiddist í Ölfusárósi. Kópavogsmeyjarnar Tinna Dofradóttir, Hera Katrín Aradóttir og Emilía Björg Atladóttir veiddu flundruna. |
|
|
| 10. september 2008 |
|
|
 Undanfarið hefur töluvert borið á fagurgrænum, grannvöxnum flugum utan á húsveggjum í mið- og vesturbæ Reykjavíkur. Þarna eru á ferð rykmý (Chironomidae) af ættkvíslinni Chironomus. Að öllum líkindum eiga flugurnar rætur að rekja til Reykjavíkurtjarnar og eða Vatnsmýrar. Tegundin sem um ræðir hefur ekki hlotið íslenskt heiti en skyld tegund er stóra toppflugan Chironomus islandicus, sem finnst í stöðuvötnum víða á landinu. |
|
|
| 3. september 2008 |
|
|
 Umhverfisráð Kópavogs stendur fyrir síðsumarsrölti fimmtudaginn 4. september til að kynna framtíðarskipulag og náttúrufar á svæðinu milli Heimsenda (hesthúsahverfinu) og Guðmundarlundar. Gangan hefst kl. 17:30 við Heimsenda. |
|
|
| 7. ágúst 2008 |
|
|
 Nýlokið er á vegum Náttúrufræðistofu Kópavogs og Umhverfis- og samgöngusviðs Reykjavíkurborgar ítarlegri rannsókn á ástandi Reykjavíkurtjarnar m.t.t. örvera og efna- og eðlisþátta. Vatnsgæði tjarnarinnar voru metin og tjörnin mengunarflokkuð í samræmi við ákvæði reglugerðar nr. 796/1999 um varnir gegn mengun vatns. Í ljós kom að Reykjavíkurtjörn er talsvert menguð, einkum m.t.t. saurgerla og næringarefna. |
|
|
| 29. júlí 2008 |
|
|
Náttúrufræðistofan og Bókasafn Kópavogs verða lokuð nú um verslunarmannahelgina, laugardaginn 2. ágúst til og með mánudags 4. ágúst. Góða helgi! nánar -> |
|
|
| 4. júlí 2008 |
|
|
 Íslenski safnadagurinn í ár verður haldinn sunnudaginn 13. júlí næstkomandi. Sýningasalir Náttúrufræðistofunnar verða þá opnir eins og venja er á sunnudögum milli kl. 13 og 17 og aðgangur er sem fyrr ókeypis. Boðið verður upp á sérstaka leiðsögn um safnið og farið í plöntuskoðun á Borgarholtið. |
|
|
Dagur íslenskrar náttúru verður haldinn hátíðlegur í annað sinn sunnudaginn 16. september næstkomandi. Nokkur félagasamtök, þ.m.t. Landvernd, efna til Hjólaævintýris fjölskyldunnar í tilefni dagsins, sem jafnframt markar upphaf Evrópsku samgönguvikunnar. Ríkuleg fræðsla um lífríki og náttúrufyrirbæri er í boði á tíu stöðum á þremur hjólaleiðum. Endað verður á Árbæjarsafni þar sem umhverfis- og auðlindaráðuneytið ásamt Reykjavíkurborg standa fyrir hátíðardagskrá.
Í sumar hafa starfsmenn Náttúrufræðistofu Kópavogs unnið að því að rannsaka gróður í vötnum á landinu sunnan- og vestanverðu. Rannsóknirnar eru hluti af umfangsmiklu verkefni sem gengur undir heitinu Natura Ísland og stýrt er af Náttúrufræðistofnun Íslands. Verkefnið hófst fyrr á árinu og því lýkur árið 2014. 
Miðvikudaginn 2. nóvember s.l. flutti Hilmar J. Malmquist, líffræðingur og forstöðumaður Náttúrufræðistofu Kópavogs, erindi sem kallast „Blávatn, nýjasta stöðuvatn landsins“, á Hrafnaþingi í húsakynnum Náttúrufræðistofnunar Íslands að Urriðaholtsstræti 6-8, Garðabæ. 
Dagur íslenskrar náttúru er haldinn hátíðlegur í dag, föstudaginn 16. september sem er fæðingardagur Ómars Ragnars- sonar, frétta- og þáttagerðarmanns, en hann hefur verið mjög ötull við að upplýsa almenning um náttúru landsins. Ríksstjórn Íslands ákvað í fyrra að tileinka þennan dag íslenskri náttúru til að undirstrika mikilvægi hennar.
Guðríður Gísladóttir, Kópavogsbúi til margra ára, hefur fært Náttúrufræði- stofu Kópavogs myndarlegt steina- safn að gjöf, sem mikill fengur er að. Steinunum söfnuðu hún og eiginmaður hennar, Haukur heitinn Einarsson, víða um land. Um er að ræða gott úrval kristalla og annarra steina en einnig fylgdu dýrmætar upplýsingar um fundarstaði sem oft vilja týnast eða gleymast í söfnum af þessu tagi.
Í anddyri Náttúru- fræðistofunnar eru oft haldnar litlar sýningar á ákveðnum viðfangs- efnum. Á síðasta ári var t.d. kynntur þar fugl mánaðarins og mæltist það vel fyrir. Nú er áherslan á íslenskar ferskvatnsmarflær og það sem við köllum furðusteina. Um er að ræða steina, oft af erlendum uppruna, sem teljast á einhvern hátt sérstakir eða óvenjulegir.
Á Náttúrufræðistofunni hefur skapast sú hefð að í stað hefðbundinna jólaskreytinga setja gripir safnsins upp jólasveinahúfur. Þetta gefur safninu hlýlegan og jólalegan svip og vekur ævinlega mikla lukku, sérstaklega hjá yngri gestum safnsins. Undanfarna daga hefur sést til jólakattarins í safnahúsinu, en eins og flestir vita þá eiga þeir sem ekki fá nýja flík fyrir jólin á hættu að lenda í klóm hans. Því eru jólahúfurnar sérlega mikilvægar að þessu sinni því engin vill að safngripir stofunnar lendi í jólakettinum.
Á dögunum náðist lifandi eintak af svonefndri námurtu, en það er litarafbrigði þingvallamurtu þar sem litarefni vantar í roð fiskanna. Námurtan er nú til sýnis í fiskabúri á Náttúrufræðistofunni ásamt „venjulegum“ murtum. Auk murtu gefst nú einnig færi á að sjá hin beikjuafbrigðin þrjú sem finnast í Þingvallavatni, þ.e. Síla- kuðunga- og dvergbleikju.