Fréttir

Safnanótt 2010 í Náttúrufræðistofunni! 5. febrúar 2010 Söfnin í Kópavogi sem taka þátt í Safnanótt auk Náttúrufræðistofunnar eru Bókasafn Kópavogs, Gerðarsafn, Héraðsskjalasafn Kópavogs,Tónlistarsafn Kópavogs og Molinn. Í tengslum við Safnanótt átt þú kost á því að vinna ferð fyrir tvo með Iceland Express á Safnanótt í Berlín í ágústlok 2010 og að auki 100.000 kr. í gjaldeyri frá MP banka! Þú þarft einungis að heimsækja fjögur söfn, fá hjá þeim stimpil, og svara þremur spurningum, einni á hverju safni, og þú átt möguleika á vinningi. Svörin finnur þú á sýningum safnanna. Spurning Náttúrufræðistofu Kópavogs er: Búa nátthrafnar í Berlín? Safnanæturstrætó mun ganga á milli allra safnanna á Safnanótt. Frá Kjarvalsstöðum í Reykjavík gengur vagn suður til Hafnarfjarðar. Í Kópavogi stoppar hann á venjubundnum stað við Hamraborg. Þaðan er stuttur gangur hvort sem er í Gerðarsafn til vesturs eða í Héraðsskjalasafnið til austurs og til allra safnanna þar á milli.

Til baka