Fréttir

Skordýralíf í miklum blóma 6. júlí 2010 Í meirihluta tilvika er um að ræða ranabjöllur og þá oftast svokallaðan trjákepp (Otiorhynchus singularis), en einnig ber nú mikið á gljárana (Barypeithes pellucidus). Báðar þessar tegundir eiga það til að leita inn í hús í nokkrum mæli – gjarna við litla hrifningu húsráðenda. Undantekningalítið eru gróskumiklir garðar þar sem þessar tegundir eru áberandi, enda lifa lirfur þessara dýra í jarðvegi þar sem þær naga rætur og aðra plöntuhluta, en fullorðnu dýrin sækja svo að plöntunum ofanjarðar og naga brum, blöð og aldin. Á heimasíðu Náttúrufræðistofnunar Íslands hafa verið settar inn myndskreyttar upplýsingar um algengar pöddur í nánasta umhverfi okkar. Full ástæða er til að hvetja fólk til að skoða þessar síður og fræðast um margar af þeim pöddum sem hvað mest verða á vegi fólks nú um stundir, en ekki síður til að njóta frábærra ljósmynda Erlings Ólafssonar skordýrafræðings.

Til baka